Verse

 

 

 

Am Morge bim Schwauer(SBB)

Dr Luki lit am Bode und

streckt vo sich au vier Bei,

dr Hugo lit im Näscht und luegt

Familie Feuerstei,

jede Tag sig s’gliche Büud

Luk schwänzlet mit dr Ruete,

wüu das bim Hugo nüm so geit

zöut är lieber d’Monete.

 

Bequem

Dr Jörg Rene dä het mou ghört

wenn Schüuff hesch muesch’s nit schnide,

isch’s mou düür zünd’s eifach a

de chasch die Arbeit miide,

plötzlich brönnt dr Nochberhag

und d’Fürwehr mues üsrücke,

sithär tuet sich dr Rene haut

bim schniide wieder bücke.

 

Uf dr Jagd

Dr Mäni dä erwacht ir Nacht

und fluecht, wär duet mi blooge,

s’Leni schlofft, das isch es nit

e Mugge isch töif gflooge,

vom Stueu us wot är mit em Dätscher

dere eini chläbe,

rütscht us und gheit grad zrug is Näscht

si beidi no am Läbe.

Dr fausch Tag

S’Schüpbach Yvonne spüut Pétanque

drum wird is Wäusche gfahre,

es wett dört gärn a nes Turnier

dä Wäg hätsch chönne spare,

e Ma mit Béret seit zu ihm

n’est pas ce Jour mon dieu,

das Turnier isch noni hüt

Du bisch e Monet z’früeh.

 

 

Gratis

Im Waud chasch gratis Houz go hole

he, das muesch usnütze,

dr Harnisch secklet ab i Waud

und duet e Flächi schütze,

setzt Pföschtli, spannt es Bang drumum

das Houz do vo däm Platz,

das ghört de mir, wenn eine chlaut

de het er eis am Latz

 

 

schlächts Wätter

Wotsch dr Rase einisch Dünge

muess nachhär cho Rägne,

süsch isch er gli kaputt und brun

gisch im dr letschti Säge,

bim Dünge muesch uf d’Musig luege

heit Dir das Begriffe,

streu ne vor em Waudfescht us

denn chunnts bestimmt cho Schiffe.

 

 

dr Hobby-Baschtler

Bachbumele mit em Schüppi

si goh Velo fahre,

s’Kabu vo dr Bräms kaputt

zerscht flicke ig dä Chaare,

s’neue Kabu, das isch z’läng

e Schnitt, seich, jetz isch’s z’churz,

jetz mache i e Chnüppu dry

das isch mir doch schnurz.

 

 

 

Eine vom Schwaller Margrit

Uf Solothurn is Parkhus fahrt’s

bim Basutor, s‘wird boschtet,

bim zrugg cho steckts s’Billett

i Outomat mues gseh was choschtet,

zahle geit nit, was isch los

ig bi doch es dumms Ding

ig stoh jo do am lätze Ort

das isch’s Bieltorparking.

Padabum (ei du schöne)

Dr Rütsche het – e Swimming-Pool

so schwümme drinn – das isch doch cool

im Herbscht dr Füuter - demontiert

azünd im Chemine - expolodiert

das chemisch Gmisch - brönnt lichterloh

dr Chömihuet - flügt wyt dervo.

 

E schwarze Gring – und d’Hoor verbrönnt

dr Rütsche dä – hesch nümme könnt.

 

Dr gross Schnee

Dr Schnee im März – e jede fluecht

so Hüffe het - doch niemmer gsuecht,

dr Kofmäu Hügu – mues ou schore

e Wäg zur Muetter – fasch scho gfrohre,

nur vorwärtz chunt - är nit trotz jufle

wie ou, het blos - e Ghüderschufle.

 

S’wird gfluecht und gmotzet – chaut hei d’Finger

ir Chrone jasse – geit haut ringer.

 

Dr Pizza-Jordi

Dr Jordi mues – fürs Outo dra

e Outobahn – vigniette ha,

chouft und chläbt se – a si Schiebe

jä he die hei sich – doch verschriebe,

statt 06 stoht dört – sisch es züg

ig chum nüm drus – das heisst jo 90g.

 

Wäg näh geit nüm – es isch zum chräie

jetz muesch haut d’Wind – schutzschiebe dräie.

 

Fluris Geburtstag

Somaini Franz – stoht vor dr Tür

vom Lilian – und findet’s ghür,

wieso duet niemer – Türe uf

lütet 10mou – drückt gäng druf,

plötzlich merkt är – isch’s äch s’Auter

das won ig drück – isch dr Liechtschauter.

 

Ewig lang – vor Türe gstange

derfür im Gang – s’Liecht nie usgange.

 

Dr Jörg am zügle

I erschte Stock – dr Toni zieht

Pouschter Gruppe – sis Gebiet,

doch das Möbu – macht kei wank

dä gloubt’s fasch nit – si d’Muskle chrank,

bim Iwickle – am Bode unge

het s‘Stägegländer – mit abunge.

 

Är zieht wie wüud – mit roher Chraft

dochs Gländer het – sisch sagehaft.

Wenns nit weisch

Bürgergmein - bstöut nüi Läde

wüu si uf - de Bänkli fähle

das handlet sich - für si isch's klar

um Wandalismus - vom ne Barbar

derbi het die - au Johr isch's so

dr Richard mit - i Wärchhof g'noh.

 

sit mängem Winter - s’git nüt z’brichte

im Wärchhof wärde - d’Lääde g’schtriche

 

Es klingt nit

Dr Bader Urs – chouft Schämpisgläser

so nöi gloubt är – töne besser,

doch ou das früsche – tüüre Gschirr

macht bim broschte – nume Klirr,

är ärgeret – sich grüen und blau

bi Schämpisglas – sig das normau.

 

Lotti hou – nimm mir‘s nit übu

die aute usem – Ghüderchübu.

 

Die nöi Schiibe vom Stapler

Zum Stapler het’s – e Schiibe gäh

d’ Milchglasfolie – chasch wäg näh

s’nöi Plexi-Glas – isch scho verchratzt

em Schläfli fasch – dr Chraage platzt

derbii sis Rümpf – und keini Chratzer

vor zwöite Folie – e schööne Patzer

 

Rümpf die cha me – nid wäg riibe

nim d Folie wäg – de bisch e gschiide

 

I de Ferie

Dr Meyer Douf – isch s’Kenia

Urloub muesch – doch ou mou ha

für ne gsunde – tüüfe schloff

nimmt är Tablette – isch nit doof

es bitzli früh - bim Apéro

hockt är im Stueu – und pennet scho.

 

Plötzlich machts – am Bode päng

Ihm use gheit – die dritte Zäng.

 

Es stinkt

Dr Kanton isch – i dr Misère

dä Gschtank cha eim – dr Maage chehre

in Chäs göüt’s glich – wie überau

es stinki haut – e so ne Sau

die Söi, die müesse – jetz abfahre

mit Stüürgäud tüe mir – Ersatz zahle

 

Chöis nit verschtoh – si zweni schlau

z’Deitige schtinkts – doch überau

 

dr Schumarotzer (Kiosk)

Är chätschet mi Chätsch-Gummi

und roucket mini Zigi

das sig jo nid so schlimm,

wöu är dr Schef do sigi

wenn’s gratis git es ässe,

de isst är ungemein

denn was uswärts isch gässe,

das isch gschpaart deheim

 

denn mit min chlyne Zapfe,

do lyt gar nüt meh dinn

bi zum teil säubschtändig

und ha ne huufe Ching

dir weit doch nid würklech,

das mir öppis fäut

denn schliesslech heit dir mi jo

aus Gmeindepräsi gwäuht!

 

Är goht anes Feschtli

ohni Schlips und Frack

guet isch aues zauht

ha jo kei Gäud im Sack

sött är mou öppis zahle

de holt är Stutz uf pump

är zahlis jo grad ume

är sigi doch kei Lump.

 

denn mit min chlyne Zapfe,

do lyt gar nüt meh dinn

bi zum teil säubschtändig

und ha ne huufe Ching

dir weit doch nid würklech,

das mir öppis fäut

denn schliesslech heit dir mi jo

aus Gmeindepräsi gwäuht!

ir Chuchui dämpft de s’Mittagässe,

aus verbrönnt chasch’s nüme frässe.

 

 

Fussball-WM-Splitter

 

von den Schweizer Bergen kommen wir wie ein Märchen scheint das Ganze hier

und der Kööbi wird uns plagen

zum Torerfolg uns jagen

von den Schweizer Bergen kommen wir

 

Zubi im Gool, im Gool, im Gool   

und d’Schnuure offe

drum isch‘s doch keis Wunder

isch kei Ball i das Gool ine gloffe,

het e keine troffe

 

Mir wei nid nume umenangerschtoh

mir wei ou mou zum Gägner häregoh

die Schtürmer si haut schnäu

schnäuer aus mir haut, gäu

mir wei doch lieber wieder umeschtoh

dr Zubi wird schoh keine iineloh!

 

Und d’Schwoobe, die wei nach Berlin

is Finale, dört wei si hin

die angre hätte ou Luscht

vüu ne blibt blos dr Fruscht

doch glii druuf aabe, üs tuets wohl

überchöme d’Schwoobe es Gool

hei Freud und finges e Gnuss

d'Schwobe si duss.

 

Ou Brasilie het sini Müeh

Ronaldiniho, Ronaldiniho

lieber fiire als träniere tüe

Kaka, Ronaldiniho

lieber Feschte,

schwinge es Tanzbei

muesch vor WM hei

das tuet nid weh

hei derfür die Bärge gseh

 

Wie ein Stier, wie ein Stier

benimmt sich Zidane hier

so gemein, so gemein

mit dem Kopf in Gegner rein

dieser fällt und tut ruhn

wie’s Italos eben tun

hatte einen frechen Latz

jetzt liegt er auf dem Platz

 

Jetz chönnte mir mou witer choh

so schön, schön wär es Goal

d’Penalti sötte ine goh

so schön, schön wär es Goal

doch s’isch / so trischt

dä Schuss / e Mischt

das geit jo nid witer so

au Drei verschiesse ihre Bau

so schön, schön wär es Goal

ig gloub, die drei die hei e Knau

so schön, schön wär es Goal

das isch / so trischt

drei Schüss / aus Mischt

jetz chöi si hei zu Ching und Frou

Es Goal das wär so schön

Vo de Penaltyglöön

Dr Bau sött blos i d’Masche dri

Streller und Cabanas

Barnetta ou Bajas

Dr WM - Troum isch verbi

so schön, schön war die Zeit,

 

E Nachtüebig (mir si vo dr Füürwehr)

 

Mir si vo dr Füürwehr, sueche neuii Lüt

und für das z’erreiche könne mir de nüt

löh die Junge warte, das Zivilischte-Pack

nach es paarne Schtunge, hei mir die im Sack

Hilfe, Hilfe

mir si doch nid als Gfangni choh,

mir hei doch gar nüt gmacht

mir wei do uuse, mir wei do uuse

was macht dä für ne Ghirnwösch do,

loh üs emol lo goh

mir chöi nümm pfuuse, üs tuets gruuse

Führwehrmanne überall worum bruchts meh

es het doch bigott do scho gnue wo ume schtöh

 

wo stöh, wo stöh, wo stöh wo stöh, wo stöh,

 

Kommandante Leon zeigt ne d’Führwehrwält

redt vo Kameradschaft und vo verdientem Gäld

Ig bruuche no Soldate im Kampf gäges Füür

dir chömet jetz freiwillig, oder es wird tüür

Hilfe, Hilfe

mir si doch nid als Gfangni choh,

mir hei doch gar nüt gmacht

mir wei do uuse, mir wei do uuse

was macht dä für ne Ghirnwösch do,

loh üs emol lo goh

mir chöi nümm pfuuse, üs tuets gruuse

Am nöchschte Tag do gits Alarm,

jetz gits Krach

bim Gmeinrot hets Beschwärde gäh,

s’isch Füür im Dach

 

im Dach, im Dach, im Dach, im Dach, im Dach

 

Mir si vo dr Füürwehr, sueche neuii Lüt

und für das z’erreiche könne mir de nüt

drum geit haut d‘Ushebig bis am Morge früh

mir vo dr Bachbumele hei mit däm chli müh.

 

Dr Nöibou (d’Füchsli)

Wo mir im letschte Johr

vom Rössli-Brand hei gsunge

de hätte mir nid dänkt,

das mir aus Läschterzunge

übere Neubou üs wei luschtig mache

bim Boue passiere haut

öppe ou mou sache.

bim Rössli isch das Kult

bi mängem angre gubti das e riisige Tumult

worum worum worum worum worum

isch’s Rössli es Gaudium

 

Dr Hugo foht um d’Flöckli

ängschtlech afo plange

statt s’Angie i de Hot-Pants

schlurft är mit de Schtange

Gebühre sige für’s

neue Ross nid gschuldet

es wärdi nid meh gschisse,

so öppis wird nid duldet

bim Rössli isch das Kult - pfeifen

bi mängem angre gubti das e riisige Tumult

worum worum worum worum worum

isch’s Rössli es Gaudium

 

S Dachwasser louft id Mitti,

d’Vögu chöi goh suufe

und für d’Hotelgäscht,

do biete mir e huufe

als Wellnessberiich

seit dr Hugo unverfrore

chasch die Glungge bruuche,

sisch günschtig wie ne moore

bim Rössli isch das Kult - pfeifen

bi mängem angre gubti das e riisige Tumult

worum worum worum worum worum isch’s Rössli es Gaudium

 

S’nöie Rössli sig

es Gschoss z’höch bout

dr Gmeinde-Schumi seit

ig ha mi ou scho trout

dr Vescovi macht Iischproch,

das isch doch e Trööte

dr Winterthur-Versicherig

geit en Abschluss flööte

bim Rössli isch das Kult - pfeifen

bi mängem angre gubti das e riisige Tumult

worum worum worum worum worum isch’s Rössli es Gaudium.

 

Sit mängem Johr tüe mir

vom Rössli Värsli singe

ob Hugo, Luki, Ängi,

chöi au Johr öbbis bringe

bim nöie Ross wird

das sicher ou so si

im nöchschte Johr si si

bestimmt wieder derbi

bim Rössli isch das Kult

ohni Värsli gubti das e riisige Tumult

dorum dorum dorum dorum dorum

blibts s‘Rössli es Gaudium.